Fotuda planeta ! : novèlas

Cal reconéisser que foguèri trapada per las istòrias de « l’Agotassa », de « Al jòc de damas », de « Tocat de la ratapenada blanca», de « lo capduèlh ». Descobriguèri l’existéncia de Pampaligòssa ! D’autras novèlas m’anugèron coma « L’agla mirgalhada (o « Lo libre terapeutic »). La novèla «Accion dirècta » seriá pogut èsser titulada « Règlement de compte à OK Corral» mas lo títol èra ja pres. Tira a corta portada suls occitanistas e sus l’estat. Compreni pas çò qu’un panflet, se se pòt èsser qualificat atal, fa dins aquel recuèlh. Es evident que l’autor s’amusèt en escrivent «Ansèlme» mas, ieu, m’amusèri pas brica. L’istòria m’anugèt prigondament. E mai l’ataca gratuita e mesquina de Claude «Cirque», especialament l’ataca sul fisic, me pareis vertadièrament ridicula e digna d’una cort d’escòla. Que fa aquí ? Fin finala, aprèp aver legit la darrièra novèla, «Fin del monde», me demandi se l’editor a legit totas las novèlas d’aquel recuèlh avant de lo publicar. Dins aquela istòria Sergi Viaule introdutz tranquillaument sas idèas islamofòbas. Compreni pas perqué aquela novèla foguèt publicada. La quatrena de cobèrta descriu Sergi Viaule coma un «poèta a temps destorbe». Pensi qu’auriá calgut pèrdre mai de temps perque vegèri pas pro de poësia dins mai d’una novèla.